原來阿根廷5.1都有一日假放，咁啱我思鄉病又發作，呢度得貢少華人但居然有China Town? 發達喇，我好耐冇𠽌過熱騰騰的湯麵了！
見到fb或生果動新聞都噏足成星期香港嘅蝗蟲災難，我哋去到中國城，唔單只冇大媽奶粉團，連蝗蟲鬼影都冇隻，想揾隻會擘大對脾踎響路中間打開隻蜆分貨嘅蟲類都冇，心諗原來我喺呢度冇人冇物都間中有孤獨的可愛喎，屐一聲偷笑咗。
兜咗個圈，其實店主都係中國人同阿根廷人各參半。嗚哇，黐線嫁一碌自拍神棍盛惠$250港幣😳仲要made in 搓拿，可知香港堅係購物天堂呢同鄉們。
一切都係多餘，我一心就衝去想食一碗麵就係咁簡單！入到一間貌似華人開嘅麵館，字正腔圓舉手嗌”虎嗚丸”，叫咗一個陽春麵同我最愛嘅酸辣湯，好期待...
意佬食緊碗麵，我好興奮咁問”點啊？你都覺得好食呢？”佢笑笑口繼續食，心諗唔對路”俾我試吓”,一擺落口....有玩過傳聲筒嗎？原來食材同聲音一樣，越傳會越9唔拿搭8。眼前嘅呢碗陽春麵，由中國傳到阿根廷就變咗清水烚麵！我唔知究竟拍枱叫虎嗚員過嚟解釋吓呢個乜春麵先好吖？定係問意佬做乜咁戇9冇味都唔出聲先好。
意佬見我隻手好似結他他老伯咁想郁人但自己又郁唔到，講咗句”唔緊要啦，你一年陪足我食12個月pizza同意粉，一碗冇味嘅麵，換來見到你飲酸辣湯飲得好開心個樣，抵啦！”我聽完鼻涕量即時倍量增加！要知道我哋初初拍拖嗰陣，話之你去到星馬泰東南亞定北半球，一律謝絕中菜，好記得同佢去台北食pizza陰公。
原來感受一個人嘅愛，唔一定要帶你去食米豬蓮3星，或自助餐加花加神秘禮物加一服務費。當你冇啖好食嘅時候，佢會用淡戊戊嘅湯麵去陪你同甘共苦。明知固執，亦可為對方放下所謂原則，我諗咁樣可稱之為相愛。
#留住肯陪你食陽春麵的人
#佢話有機會再去台北要試上海粗炒
Search